قولى شعورك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قولى شعورك


لما تحس ان انت حمار
نفسك تشرب لتر سولار
لأ وتحلى بكام صرصار
يبقى شعورك أى يا جميل

لما تخاف بالسر لأبوح
وبدخانك تبنى سطوح
جهلك ساب الباب مفتوح
حظك بابا يقوم بالليل

لما بتدى لفيفى ميعاد
جايه تقبلك بعد بعاد
فجأة تمر عليكو سعاد
يبقى أكيد هتشوف الويل

لما تعاكس بنت الجار
عامل فيها ياواد مكار
يطلع أبوها البيه جزار
وأنت أكيد قدامو عويل

لما تشخبط على السبورة
لأ وتشوط فى الناس بالكورة
طبعا تطلع ليك الصورة
والأستاذ بيركب ديل

لما توزع قشر الموز
قشرك وقع كهل عجوز
كل الشارع ضرب البوز
أنت بتجرى وخلفك سيل

يلى جنونك تأذى الغير
ابدأ مرة بصنع الخير
راح تتلاقى الكون ده عبير
دا أنت أكيد من جوة أصيل

محمود عمر شحاتة
M.O.SH

فعلا شاعر جميل و مكسب لبرلمان شباب زغلول رهنت عليك و كسب الرهان لانك انسان فنان